Поради мразот привремено биле затворени некои главни патишта.
Снежно невреме ги зафатило американските сојузни држави Колорадо и Вајоминг, каде паднале и до 30 сантиметри снег, а температурите во текот на ноќта нагло се спуштиле.
Поради олујата дошло до бројни сообраќајни несреќи, а поради мразот привремено се затворени и некои главни патишта.
Во Денвер паднало околу осум сантиметри снег, а температурата вечерта меѓу саботата и недела паднала од 16 на минус 7 степени Целзиусови, пренела агенцијата "AP".
WINTER WONDERLAND: It's looking a lot like winter across parts of the central U.S., as a cold front brings snow and wintry weather, with Winter Storm Warnings put into effect for parts of New Mexico and Colorado. https://t.co/IcHXP3wogD pic.twitter.com/zLdddLCmq0
— ABC News (@ABC) October 14, 2018
Најмногу снег паднало во областа од Болдер во Колорадо до Вајоминг, како и на планината Биртут во Монтанта.
Националната метеоролошка служба соопштила дека во последните 24 часа јужно од Шеридан во Вајоминг паднале 8 до 33 сантиметри снег.
Ширум регионот е објавено предупредување за врнежи од снег.
Привремено се затворени делови од главните автопати во Вајоминг и Колорадо.