Психозата околу контаминираните австралиски јагоди се проширила и на Нов Зеланд, каде ланец супермаркети објавил дека биле пронајдени игли во јагоди увезени од Австралија.
Трговскиот ланец "Countdown" објавил дека ја повлекува марката австралиски јагоди од своите полици, бидејќи во една кутија во продавница во Окелнд биле пронајдени игли забодени во овошјето.
"Безбедноста на храната ја сфаќаме многу сериозно", било соопштено од "Countdown". "Купците можат да ги вратат јагодите од марката "Choice" кои ги купиле за да бидат мирни, а парите ќе им бидат вратени".
Needles found in Australian strawberries being sold in New Zealand: https://t.co/oh8zIVnELi pic.twitter.com/zvOQQNJeq1
— NewstalkFM (@NewstalkFM) September 23, 2018
Ланецот исто така ги советува потрошувачите да ги пресечат јагодите увезени од Австралија пред да ги јадат.
Во австралиската полиција биле пријавени стотина случаи дека во јагодите купени во продавниците биле пронајдени игли за шиење, а неколку пријави се однесувале и на јаболка и банани.
The strawberry sabotage crisis has spread to New Zealand with a brand of fruit from WA withdrawn from shelves across the country. It comes after needles were found in a punnet in Auckland. It's a brand not yet involved in any contamination claims here in Australia. #7News pic.twitter.com/dxYGt63Ni1
— 7NEWS Sydney (@7NewsSydney) September 23, 2018
Австралискиот парламент на предлог на владата усвоил поостар закон со кој горната граница на затворска казна за саботажа на храна се крева од 10 на 15 години затвор.