Бројот на загинати при налетот на ураганот Флоренс на источниот брег на САД се искачи на 37, а 15.000 луѓе се наоѓаат во засолништа. Околу 200 илјади граѓани останаа без струја во Северна Каролина.
Гувернерот на Северна Каролина, Рој Купер, изјави дека сè уште се чувствуваат последиците од силната бура. „Иако повеќе нема силни дождови и сонцето полека се појавува во делови на земјава, сепак нивото на реките продолжува да расте и очекуваме нови поплави“, изјави Купер.
Тој апелира до илјадници евакуирани граѓани да бидат трпеливи и да не се враќаат во домовите.
