Една од најпопуларните светски серии "The Big Bang Theory" престанува да се снима по 12 сезони. Оваа информација ја потврдија телевизијата "CBS" и продуцентската куќа "Warner Bros." кои стојат зад ова остварување.
Како што шпекулираат светските медиуми, до оваа одлука наводно дошло откако Џим Парсон, еден од главните актери во серијата, решил да си замине.
“We are forever grateful to our fans for their support of The #BigBangTheory during the past twelve seasons..." pic.twitter.com/OWIHsICi6e
— The Big Bang Theory (@bigbangtheory) August 22, 2018
За потсетување, "The Big Bang Theory" започна да се емитува во 2007 година, а со текот на времето стана исклучително популарна и успешна серија, со освоени 4 Еми награди и еден Златен глобус.
Главните ѕвезди на серијата профитирале од ова остварување, пред се финансиски. Имено, Џим Парсонс (кој го толкува ликот на Шелдон), Џони Галецки (кој го толкува ликот на Ленард), Кејли Куоко (која го толкува ликот на Пени), Кунал Најар (кој се појавува во улога на Раџеш) и Сајмон Хелберг (кој го толкува ликот на Хауард), заработувале и по милион долари по епизода.
Последната, 12-та сезона на "The Big Bang Theory" ќе биде прикажана во 2019 година.