По овие фотографии сигурно ќе размислите за користењето на паметните телефони и таблетите во кревет.
Иако веќе е добро познат податокот дека уредите го нарушуваат квалитетот на сонот, судејќи според објавата на противпожарната служба од Њу Хемпшир, тие можат да ги доведат нашите животи во опасност.
Противпожарната служба објавила фотографии од запалена прекривка и перница на Фејсбук, како предупредување на тоа што може да му се случи на секој од нас.
"Истражувањата покажуваат дека 53 отсто од децата/тинејџерите ги полнат своите мобилни телефони или таблети на креветот или под перницата. Во тој случај температурата расте, а полначот станува се потопол", велат тие.
Порталот "Pop Sugar" објавил резултати од една анкета која вели дека 89 отсто од тинејџерите користат барем еден уред во спалната соба.
"Со тоа се зголемува шансата прекривката или перницата да се запали, што го доведува сечиј дом во опасност", наведуваат тие. Еден од начините како да се заштитите е секогаш да користите само оригинални полначи, тврди Рејчел Ротман од Институтот за домаќинство.
"Избегнувајте полнење на уредите во екстремни случаи, кога е претопло или престудено, и не ги полнете уредите во било какви кутии бидејќи тоа ја зголемува температурата", заклучува Ротман.