Претседателот на САД, Доналд Трамп, го потпиша законот за годишната одбранбена политика, вреден 716 милијарди долари, јавува "AP".
Со новиот закон се предвидува зголемување на платата на војниците на САД за 2,6 отсто, што претставува најголемо зголемување во последните девет години, наведува агенцијата.
It was my great honor to sign our new Defense Bill into law and to pay tribute to the greatest soldiers in the history of the world: THE U.S. ARMY. The National Defense Authorization Act is the most significant investment in our Military and our warfighters in modern history! pic.twitter.com/M6VI1c0Sgx
— Donald J. Trump (@realDonaldTrump) August 13, 2018
Законот исто така ќе му дозволи на Трамп да ги укине санкциите на државите кои купиле руско оружје, а сега сакаат да се опремат со американско оружје.
"Овој закон е најважен за вложување во нашата војска, нашите борци и модернизација на армијата. Благодарение на него ќе ги замениме старите тенкови, авионите и бродовите со најсовремена и најсмртоносна технологија некогаш развиена", изјавил Трамп.
Тој изразил надеж дека нема да има потреба од употреба на ова оружје.
"Се надеваме дека ќе бидеме толку моќни што оружјето никогаш нема да мораме да го употребиме, но сепак доколку стигне до тоа, никој нема да има никакви шанси", нагласил претседателот на САД.
Во законот не се споменува "вселенската војска" која Трамп претходно ја споменувал, но се издвоени средства за воената парада во Вашингтон во ноември.
Агенцијата наведува дека Трамп во својот говор не го споменал сенаторот Џон Мекејн по кој е наречен овој закон.