Google предупредува дека 145 апликации од виртуелната продавница Play Store се заразени со малициозни програми кои што би можеле да го нападнат вашиот компјутер кога телефонот ќе го поврзете со него.
Станува збор за вирус кој што не може да им наштети на уредите на Андроид, но може на компјутерите кои што работат на оперативниот систем Windows. Новиот вирус кој што може да го зарази вашиот компјутер доколку имате инсталирано „проблематична“ апликација на вашиот телефон кој потоа на некој начин го конектирате со вашиот компјутер, може да ги следи типкањата на тастатурата и да ги открие вашите лични податоци како броеви од кредитни картички и лозинки.
Некои од тие апликации досега се симнати и по 100-тина илјади пати, а иако Google веќе ги отстранува од својата виртуелна продавница, тие и натаму се наоѓаат на стотици илјади паметни телефони ширум светот затоа што корисниците и немаат деинсталирано.
Од Google ги објавија имињата на сите апликации и ги повикуваат корисниците веднаш да ги отстранат. Тоа се следниве апликации:
Baby Room, MotorTraiL, Tattoo Name, Car garage, Japanese Garden, House Terrace, Skirt Design, Yoga Meditation, Shoe rack, Unique T-shirt, Mens Shoes, TV RuanG TaMu, Idea Glasses, Fashion Muslim, Bracelet, Clothing Drawing, Minimalist Kitchen, Nail Art, Ice cream stick, Roof, Children Clothes, Home Ceiling, PoLa BaJu, Living room, Bookshelf, Knitted Baby, Hair Paint, Wall Decoration, Painting Mahendi, Bodybuilder, Couple shirts, Unique Graffiti, Paper flower, Night gown, Wardrobe Ideas, Dining table, Gymnastics, Use Child, Window Design, Hijab StyLe, Wing Chun, Fencing Technique.
