Полицијата во Вашингтон ја уапси 29-годишната руската државјанка Марија Бутина поради сомнение дека е шпион на Русија.
„Бутина е обвинета за здружување со цел работа како агент на странска земја“, соопшти Министерството за правда на Соединетите Американски Држави.
Врз основа на нивниот приказ на ситуацијата, таа била уапсена синоќа и според американските власти таа развивала мрежа на соработка со американски државјани и се инфилтрирала во политички групации во САД.
„Бутина се поврзува со Александар Торшин, поранешен член на законодавството на Руската Федерација, а потоа и еден од најважните функционери во Централната банка на Русија. Против него во април оваа година САД воведе санкции“, соопштија од американското Министерство за правда.
7.#Torshin hired an aide Maria #Butina and together they began building a gun rights movement in Russia. #Butina founded a group called the 'Right to Bear Arms', #Torshin announced plans to introduce a law expanding access to handguns. pic.twitter.com/8XHFhbtYrE
— NotMyPresident (@ironstowe) March 19, 2018
Од таму напоменуваат дека 29-годишната Бутина „превземала активности, а истите не откривала дека ги извршува како агент на Русија“, додавајќи дека уапсената руска државјанка ќе биде сослушана веќе утре.
„Еден од нивните цели е обид за искористување на приватен контакт со државјанин на САД кој што има големо влијание на американската политика со цел да ѝ помогне на интересите на Русија“, изјави Кевин Хелсон, специјален агент на ФБИ, додавајќи дека таа соработувала и со организација која што промовира право на употреба на огнено оружје.
18. At the end of 2015, #Keene, top #NRA donors and Sheriff David Clarke all went to Moscow for a meeting with #Torshin #Butina and Deputy PM of #Russia Rogozin, already sanctioned in 2014, over #Russian annexation of #Crimea
— NotMyPresident (@ironstowe) March 19, 2018
pic.twitter.com/TeZOVaMmbT
Адвокатот на Русинката, Роберт Дрискол ги демантираше обвиненијата дека таа е руски агент, но додаде дека ФБИ добиле налог за претрес на нејзиниот стан во април.
„Обвинението е толку претерано што е надвор од сите пропорции. Едноставно нема индикации дека Бутина се обидела да влијае или да поткопа било кое правило или закон на Соединетите Американски Држави“, изјави адвокатот Дрискол.