Една недела молк од Владата на СДСМ за тоа колку чинеше приватната журка за промена на името што си ја организираше Зоран Заев, изјави Димче Арсовски, портпарол на ВМРО-ДПМНЕ.
„Па почитувана Владо, од 150 луѓе во вашата пиар служба колку што ве има на број, сите 150 вработени по една ставка да сметавте изминативе денови, ќе пресметавте и ќе ги информиравте граѓаните колку чинеше приватната журка што го организираше Зоран Заев за промена на името. Ама штом молчите, очигледно е дека нешто криете и сакате да ги изманипулирате граѓаните и да се исперете за неуспехот што го доживеавте. Време е да кажете колку чинеше дебакл – прославата и колку пари на граѓаните беа фрлени за да се организира истата“, рече Арсовски.
Тој прашува кој е организаторот и кои беа фирмите што ја работеа целокупната организација на настаните.
