Франција ја совлада Хрватска во финалето на Мундијалот во Русија со 4-2, и така по втор пат во историјата ја освои титулата првак на светот.
Финалниот меч го обележал инцидент кој се случил на почетокот на второто полувреме, кога припадници на групата "Pussy Riot" влетале на теренот и на кратко го прекинале натпреварот.
Во периодот од натпреварот кога Хрватска вршела притисок на Франција, четири униформирани лица влетале на теренот и го прекинале мечот. Дејан Ловрен фатил еден од нив и немал милост кон несаканиот гостин.
Хрватскиот дефанзивец бил премногу бесен, што јасно може да се види и на фотографиите.
За среќа, редарите брзо реагирале и ги изнеле "натрапниците" од теренот, па натпреварот бил продолжен.
