Франција вчера ја освои својата втора светска титула во фудбал во Русија со 4:2 победата над Хрватска, по што, нормално, на улиците на сите поголеми градови се славеше, за на крај да заврши со нереди, апсења, и дури смртни случаи.
Во Париз, каде што над 100.000 луѓе се собраа пред Ајфеловата кула, по мечот почнаа проблемите кога славјето излезе од контрола, и на крајот беа повикани специјалните сили кои со водени топови и со гумени куршуми мораа да го враќаат мирот на улиците. Стотина хулигани се качија на едно полициско возило во центарот на градот.
BREAKING: Violence and riots have erupted in Paris following World Cup celebrations.
— France Football 🇫🇷 (@FrenchFutbol) July 15, 2018
Armed forces have been deployed but several businesses have been looted and vehicles have been vandalized. 🇫🇷https://t.co/5jp7xrpWXh
Во Лион исто така имаше вистински неред, кога хулиганите почнаа да кршат автомобили, додека во Марсеј имаше масовна тепачка со полицијата, а се појавија и снимки на демолирање на еден автобус. Инциденти имаше и во други градови – Гренобл, Руен, Ле Авр, Ница, Кан, Стразбур и Нант.
Имаше и два смртни случаи – во алпскиот град Анеси, 50-годишен навивач починал откако скокнал во еден канал, а во Сан Феликс во северна Франција, 30-годишник при славјето се заби во дрво.
