Спасувачите денес продолжуваат со подготовките за третата операција за спасување во коплексот на пештери во Тајланд, каде останале уште четири деца и нивниот фудбалски тренер. Уште четири деца беа извлечени во понеделникот од пештерата Там Луанг која се наоѓа на граница со Мајнмар, каде спасувачите се во трка со времето и дождовите кои се причина за потпената пештера.
Водичот на операцијата Наронгсак Осотанакорн рекол дека спасувачите учат од своето искуство и дека во вториот круг на спасување биле за два часа побрзи.
Тимот на спасувачи и нуркачи од тајландската морнарица наведува дека втората операција траела 9 часа, каде низ речиси 4 километри долг тунел ги извлекувале децата.
Луѓето ширум Тајланд го прославија синоќешниот успех на спасувачите, вклучувајќи го и училиштето Мае Саи Праситсарт во кое учат децата.
"Многу сум среќен за оние кои успеаја да излезат и мислам дека денес сите ќе бидат надвор", рекол 14 годишен соученик. "Сакам да ги одведам своите пријатели на ручек и да играме фудбал", додал тој.
Спасувачите истакнуваат дека им се потребни 20 часа за обновување на залихата на кислород, а се очекува денешната операција да започне денес попладне по локално време, доколку временските услови го овозможат тоа.
Но, не сакаа да откријат дали и во оваа акција ќе се обидат да ги извлечат сите пет, додека досегашниот план беше извлекување на четворица.
Two more ambulances were seen, leaving #Tham Luang cave. They are believed to transfer the 6th and 7th boys to hospital. @TNAMCOT pic.twitter.com/JuNszzXy5V
— TNAMCOT English (@TNAMCOTEnglish) July 9, 2018
"Зависи од околината. Доколку ни помогне Богот на дождот, би можеле да делуваме брзо. Но, ако не го направи тоа, би можело да биде предизвик", заклучи Наронгсак.
Илон Маск, сопственикот на компанијата Тесла Моторс, минатата недела испрати помош, од батерии до пумпи за испумпување на водата, а испратил и мала подморница која на одредено време може да ги изолира лицата и да им обезбеди доволно кислород.
"Се надевам дека ќе биде корисно, пристигнува за 17 часа", напиша на Твитер Маск во неделата.
Just returned from Cave 3. Mini-sub is ready if needed. It is made of rocket parts & named Wild Boar after kids’ soccer team. Leaving here in case it may be useful in the future. Thailand is so beautiful. pic.twitter.com/EHNh8ydaTT
— Elon Musk (@elonmusk) July 9, 2018
"Ако сега не биде корисно, можеби ќе биде во некои идни ситуации." Синоќа опиша дека подморницата се состои од делови на поранешни ракети и дека ја нарекол според фудбалскиот клуб каде играат децата заробени во пештерата, Wild Boar.