Германската канцеларка Ангела Меркел упати честитки до премиерот Заев по повод договорот за македонско-грчкиот спор за името.
Како што информираат од владината прес-служба, Меркел во официјалната честитка изразила радост за постигнатиот договор.
„Оваа спогодба го отвора патот за историски договор и Вам и на Вашата влада срдечно ви честитам за овој успех. Сојузна Република Германија со голем интерес ќе го следи спроведувањето на договорот и силно ќе го поддржи“, се истакнува во писмото со честитки од канцеларката Меркел до премиерот Заев.
