"Ќе имаме вселенски сили", рекол Трамп и додал дека тој ќе биде одвоен, но еднаков род на војската.
Како што рекол, САД ќе бидат далеку пред останатите во вселената, а планира да го оживее и замрзнатиот национален вселенски програм.
Американскиот претседател ја означил вселената како прашање од национална безбедност наведувајќи дека не сака "Кина и Русија и други земји да бидат пред САД".
Новите Вселенски сили ќе бидат под команда на началникот на здружениот генералштаб, Џозеф Данфорд.
BREAKING: President Trump orders US military to form a "space force" military branch: "We must have American dominance in space." pic.twitter.com/BQ0Vcy0tdA
— NBC News (@NBCNews) June 18, 2018
Тој исто така ветил дека наскоро ќе ги врати САД на Месечината и дека ќе дојдат и до Марс.
Трамп ова го кажал во присуство на потпретседателот Мајк Пенс, директорот на американската вселенска агенција НАСА, Џим Брајденстин, поранешниот астронаут Баз Олдрин и членови на неговиот Национален вселенски совет.
Новата политика предвидува осигурување на безбедно окружување во орбитата, каде се појачува сообраќањето на сателитите.
Исто така се воспоставуваат нови упатства за дизајн на сателитите и нивната работа за да се избегнат судири и дефекти на вселенските летала.
На чело на неодамна обновениот Национален вселенски совет е потпретседателот Мајк Пенс.
Извршниот секретар на советот, Скот Пејс, им рекол на новинарите пред состанокот дека вселената станува се погуста и дека сегашните насоки се недоволни да се излезе на крај со тој предизвик.