Хулен Лопетеги е избран за тренер на Реал Мадрид, а набрзо откако беше назначен за нов тренер на „Кралевите“ тој заработи отказ и нема да ја предводи репрезентацијата на Шпанија на Мундијалот во Русија.
Со оглед на тоа што сега е слободен целосно да се посвети на Реал Мадрид, Лопетеги веќе започнал со плановите околу засилувањата.
Како што пренесуваат шпанските медиуми, прв на листата на Лопетеги бил 22-годишниот фудбалер на Реал Сосиедад, Алваро Одриозола со кој што Лопетеги имал одлични односи. Шпанските медиуми пренесуваат дека Реал Мадрид и порано биле заинтересирани за овој фудбалер, а клучниот потег можно е да биде направен наскоро.
Се проценува дека трансферот на Одриозола мадридскиот клуб ќе го чини околу 30 милиони евра.