СДСМ продолжува со политичкиот прогон во Македонија, a судот стана партиска експозитура на Заев и СДСМ. Клиентелистичкото судство на Заев му служи за реализација на политички монтирани случаи против неговите политички противници, смета опозицијата.
Преку соопштение, ВМРО-ДПМНЕ критикува дека судот не е заинтересиран за докази, факти и аргументи. Вели дека правната држава не постои, а политичките пресуди станаа судска пракса.
„Заев преку правосудниот систем на државата испраќа јасна порака дека секој кој ќе го крене гласот против штетните политики на оваа власт ќе заврши со затворска казна. Истиот овој суд кој сега не штеди на години од затворските казни на обвинетите политички противници на Заев пред само неколку дена го ослободи од обвинение за барање поткуп исто како што беа ослободени осудените во случајот Сопот“, се вели во соопштението на ВМРО-ДПМНЕ.
Опозицијата додава дека правдата ќе се врати во Македонија со враќањето на ВМРО-ДПМНЕ на власт, а сите оние кои во правосудниот систем сега работеле по нарачка на Заев ќе сносат одговорност.
