Кралската венчавка на принцот Хари и Меган Маркл ќе се одржи денеска во капелата Сент Џорџ во Виндзор.
Голем број гости веќе почнале да пристигнуваат во капелата, а помеѓу нив можат да се забележат бројни познати личности.
Меѓу гостите се и Џорџ и Амал Клуни. Убавата Амал блескала во жолт фустан со одговарачка шапка, додека Клуни носел сиво одело.
На свечената церемонија пристигнале и Дејвид и Викторија Бекам, кои секогаш се ускладени кога е во прашање нивната облека.
Викторија блескала во темносин фустан со црвени високи потпетици, а Дејвид носел одело скроено по мерка.
На венчавката ќе присуствува и Пипа Мидлтон, сестра на војвотката од Кембриџ – Кејт Мидлтон. Таа во капелата Сент Џорџ пристигнала во друштво на својот сопруг, а медиумите неодамна ја објавија веста дека Пипа го очекува своето прво дете.
Таа носела едноставен цветен фустан во светли бои, со одговарачки цветен шешир.
Гости на свадбата се и родителите на Кејт – Керол, која блескала во светлосина модна комбинација и татко ѝ Мајл кој се појавил во свечено одело.