Премиерот на Бугарија, Бојко Борисов, нагласи дека неговата земја, заедно со Романија и Грција, треба да ѝ помогнат на Србија да стане членка на ЕУ. Ова тој го порача за време на средбата на Советот за соработка на високо ниво помеѓу Бугарија, Романија, Србија и Грција.
Третата средба помеѓу четворицата лидери се одржа во Букурешт, а нејзин домаќин беше премиерката на Романија, Виорика Данцила.
Фокусот беше ставен на развојот на инфраструктурата во регионот, како и зголемување на растот на економиите на Балканот.