Познатата емисија „НБА ТНТ“ во која Шекил О’Нил и Чарлс Баркли се главни ѕвезди во исмевањата и фаќањето сеир на случувањата во НБА лигата е крајно популарна во Америка, а сега истата им овозможи на големите љубители на кошарката самостојно да гласаат за асистенцијата на сезоната.
Интересно, меѓу петте номинирани се најде и феноменалниот српски плејмејкер Милош Теодосиќ кој ја игра својата прва НБА сезона, но многу поголемо внимание на српската јавност и предизвика начинот на кој легендарниот Шек го изговара името и презимето на поранешниот играч на ЦСКА.
Наместо Милош Теодосиќ, Шек го нарече Србинот „Мило Тодототиќ“, а потоа беше исправен од својот колега кој му кажа како се изговара презимето на кошаркарот на ЛА Клиперс.