По бројните скандали околу разводот и тврдењата дека консумирала кокаин пред своите деца, познатата пејачка покажала дека оди понатаму и дека критиките од јавноста воопшто не ја допираат. Сега се соблекла топлес, не грижејќи се за погледите на шокираните минувачи.
42-годишната Мел, некогашна членка на славната група "Spice Girls", одлучила убавото време да го искористи на најдобар можен начин, па отишла на одмор во едно луксузно летувалиште во Калифорнија, и тоа со најдобриот пријател, Гери Мадатјан.
Мел инаку изјавила дека ова е само втор пат во десет години да оди на одмор, па решила да го искористи до максимум. Исто така, изгледа дека не сакала да се врати дома со белите линии од костимот за капење, па се соблекла топлес.
Поради тоа никој од присутните не можел да го тргне погледот од нејзините гради, кои таа гордо ги открила. Сепак, повеќето биле шокирани од глетката, бидејќи, како што забележале, на неа се јасни трагите од времето.
Мел и натаму го привлекува вниманието на јавноста поради турбулентниот развод со сопругот Стивен Белафонте, со кој се бори за старателство. Се зборува и дека Мел подготвува биографија во која ќе изнесе интересни детали од судирот и својата верзија од приказната.
