Британскиот готвач и телевизиска ѕвезда Гордон Ремзи објави на својот Твитер профил дека ќе се обиде да се придржува на веганската исхрана.
Ремзи, готвачот чии ресторани имаат добиено 16 Мишелин ѕвезди вкупно, не ја објаснил причината за оваа одлука. Тој во понеделникот се огласил на својот Твитер профил каде напишал:
„Ќе дадам шанса на оваа веганска работа... Така е луѓе, добро слушнавте.”
Над текстот објавил и слика на која има веганска пица, најверојатно од неговиот најнов ресторан „Gordon Ramsay Street Pizza”, кој денес се отвора во Лондон.
Една од пиците кои се нашле на менито во новиот ресторан е токму ваква со модар патлиџан, пињоли, песто и доматен сос, која можеби е исто така вегетаријанска, освен ако пестото не содржи пармезан, пишува „Independent”.
Вакваа одлука на Гордон Ремзи ги зачуди неговите фанови бидејќи тој е познат по исмевањето на веганите и вегетаријанците.
Но сигурно, на крај, сево ова ќе биде една од неговите шеги, каде ќе објасни дека сакал да каже дека ќе ја проба веганската пица, а не дека ќе стане веган.
Going to give this #vegan thing a try ... Yes guys you heard that right. Gx pic.twitter.com/iJZb8WMlH8
— Gordon Ramsay (@GordonRamsay) April 16, 2018