Во Кривичниот суд продолжува судењето на обвинетите за обидот за убиство на пратеникот Зијадин Села, за време на упадот во Собранието на 27-ми април минатата година. На денешното рочиште судот ќе сослушува сведоци, а меѓу нив е и пратеникот од СДСМ Мухамед Зекири.
На последното судење беа сослушани тројца сведоци, претседателот на Собранието, Талат Џафери, министерот за информатичко општество и администрација, Дамјан Манчевски и пратеникот на СДСМ, Александар Кирацовски.
Во случајот обвинети се Кире и Цео Ѓорѓиевски, Оливер Ошаковски, Саша Ценков, Николче Димитриевски, Александар Јаневски – Тошта, Андреј Мицов, Никола Војминовски, Коста Делов и Стојан Павловски-Кобра. Тие се изјаснија за невини. Рекоа дека го разбираат обвинението, но дека не се чувствуваат виновни и оти тоа ќе го докажат.