Медисон Ештон, поранешна миленичка на списанието “Penthouse” и сопруга на милијардерот Ричард Прат, во 2012 година ги освои насловните страници кога откри дека е ескорт дама и кога се обиде да ги тужи богатите наследници за 10 милиони долари.
Сега во 43-тата година, таа тврди дека Прат кој почина во 2009 година, ветил дека ќе формира фонд од пет милиони долари за нејзините две деца и дека ќе ѝ плати надомест од 500 илјади долари со цел да се откаже од елитната проституција.
Иако Врховниот суд прифатил дека тие разговарале на таа тема, било откриено дека Ештон прифатила 100 илјади долари и автомобил на нејзино име. Таа го изгуби случајот, но стана позната низ целата држава.
“Кога сте во топ 20 најчитани вести на “Sky News” во една недела, со заматени брадавици и жешки фотографии додека лежите на плажа каде што го сончате намачканото тело додека водата ве заплискува, така треба да се однесувате и на пример во училиште” – изјавила мајката на две деца низ насмевка, пишува “Daily Mail”.
Таа ја опишала реакцијата на останатите мајки чии сопрузи останале неми. Како што изјавила, додека не била позната Ештон видела разни неморални испади, но потоа станала предмет на љубопитност.
“Училиштето стана чуден црвен тепих. Мојата ќерка беше во Католичката школа кога дојдов да ја гледам како танцува. Влегов со своите облини и целата просторија буквално занеме. Која сум јас, Мик Џегер? Мислев, “навистина ми е гајле ако ме осудувате, знам дека сите сакате да ми се вовлечете во панталоните”.
Кога го скршила мразот со другите мајки, сите сакале да знаат каков е нејзиниот живот.
“Тие ме опкружуваа и ме прашуваа за “кутијата” на сексуални трикови кои ги тера мажите да ми се вратат. Другите конзервативни мајки ме гледаа ужаснати” – изјавила Медисон.
Сепак, нејзиниот син ја исфрлил од училишната група како тинејџер кој се срамел од својата мајка.
“Жените стануваат параноични кога нивните мажи се наоѓаат до сексуален работник, но ги преценуваат своите момчиња. Повеќето работнички се среќни да ги вратат назад. Ме плаќаат да ги убедам дека се атрактивни, а не да ги украдам”, изјавила таа.
Нејзината работа, како што тврди таа, е меч со две острици, бидејќи покрај моралните критики може да привлече и феминистички бес. Некои жени не ја сакаат професијата чија цел е задоволување на мажите. Други, како што е Ештон, ја чувствуваат моќта додека ја негуваат својата сексуалност, која притоа ја материјализираат. Општеството сè уште ги осудува, а Ештон вели дека најлоши се другите жени.
“Ме гледаат како закана и премногу секси, бела вештерка на некој начин” вели Ештон. Таа е една од првите женски сексуални работници во Австралија која отворено излегла во јавноста. На Твитер има 33 илјади следбеници под името “Кристин Меквин”, каде објавува провокативни фотографии и текстови.
“Сето ова започна пред да станам тинејџерка, имав силна сексуална аура пред да знаев што е тоа. Мажите доаѓаа и сите сакаа да спијат со мене. Сфатив дека сум различна, но и дека другите девојки не сакаат да бидат во мое друштво. Мајките на моите другарки не го одобруваа тоа”, вели таа.
Кога започнала со сексуалната работа, работела во Сингапур и во Европа, каде што ја открила ескорт дејноста. Накратко ја напуштила индустријата кога се омажила и се обидела да живее нормално, но многу брзо се вратила на работа.
Според неа, нејзиниот живот драстично се сменил со помош на една жена судија, која пред судот ѝ дала еднаква шанса како и на сите други.
“Тоа беше прв пат некој да ми рече дека имам човекови права, како и сите други. Тоа буквално ми го разнесе умот и оттогаш бев подготвена да живеам и да умрам според тој принцип. Ми беше доста од преправање. Тогаш излегов во јавност”, раскажала ескорт дамата.
