Најстариот син на американскиот преседател Доналд Трамп, Доналд Трамп Јуниор, објави приватни пораки што ги разменувал со „Викиликс“ за време и по завршувањето на претседателските избори што се одржаа минатата година во САД.
Трамп Јуниор ги објави пораките кога вчера весникот „Атлантик“ напиша дека тој разменувал пораки со „Викиликс“, и тоа во периодот кога веб-страницата објави дел од украдените електронски писма на демократската кандидатка за претседател на САД, Хилари Клинтон.
Во објавените дописи „Викиликс“ му се заблагодарува на синот на Трамп за позитивните коментари на татко му за веб-страницата. Од „Викиликс“ побарале од Трамп Јуниор да им ги достави даночните пријави на татко му.
Допишувањата почнале лани во септември и траеле до јули годинава.
