Тој е вистински убавец, а таа и не изгледа толку атрактивно – токму вака со години наназад многумина го коментираат бракот на Хју Џекмен и Дебора-Ли Фернес.
А тие коментари умеат да ги зачинат и со “додатокот” дека таа е дури 12 години повозрасна од него. Но, очигледно е време за сите тие критики да бидат оставени во минатото.
Познатиот пар којшто е во брак од 1996-та година неодамна се појави на доделувањето на Governors наградите во Лос Анџелес. И тие, како впрочем и секогаш досега, изгледале фантастично еден крај друг, а во овој случај тие се и сосема хармонично облечени.
Актерот којшто неколку пати се бореше со ракот на кожата, со Дебора има две деца, Ава Елиот и Оскар Максимилијан Џејмен. Тој и повеќе пати има потенцирано дека има брак каков што отсекогаш посакува, како и тоа дека неговата сопруга е негова најголема поддршка. На коментарите пак дека е многу поатрактивен од неа тој воопшто не се одѕива.
А ние и навистина не ги гледаме причините коишто се кријат зад таквите критики и коментари. Продуцентката изгледа фантастично, поседува оригинален стил на облекување и неоспорна харизма. На прашањето кој е поубав на овие фотографии, ние одговараме дека гледаме еден преубав пар, и ништо помалку или повеќе...