Премиерот Зоран Заев испрати честитка за инаугурацијата на новиот претседател на Република Србија, Александар Вучиќ.
„Ви посакувам успешна работа на новата одговорна позиција и изразувам надеж за натамошно унапредување на соработката помеѓу двете држави. Македонија, во Република Србија отсекогаш имала традиционален пријател и сојузник во процесот на стабилизација и интеграција на Балканот, преку градење на добрососедски односи и взаемно почитување“, пишува во честитката.
Интересите за интензивна соработка, почитувањето на демократските вредности, добрососедските односи и интеграцијата на регионот во Европската Унија, додава Заев, се врвни интереси на граѓаните на двете држави и очекувам дека во таа насока ќе продолжиме да ја развиваме нашата соработка на повисоко ниво, во сите области.