Тој неодамна беше именуван за окружен претседател на партијата Huzur Partisi (Партија на мирот) во округот Карлиова. Станува збор за рутинско именување, но поради импресивните мустаќи на господинот Авџи, објавата стана вирална.

„Овие мустаќи можат да загреат четиричлено семејство во зима“, „Партијата сега има неверојатна шанса. Ставете ги неговите мустаќи како лого и гледајте напредок“, „Осигурајте ги овие мустаќи“, продолжуваат шегите на социјалните мрежи.

Објавите поврзани со господинот Авџи и неговите мустаќи ги преплавија социјалните мрежи, а само на „Twitter“, односно „X“, некои од нив собраа и по неколку илјади „лајкови“.

Кристина (45) помина низ голема трансформација во последните неколку години, ослабе речиси 20 килограми, а сега излезе во јавноста за да ја покаже својата неверојатна фигура. Присуствувајќи на церемонијата за доделување на наградите „Breakthrough Prize“ во Санта Моника во саботата, таа позираше на црвениот тепих во фустан кој изгледаше како да е споен само од среќа.

Изгледајќи многу помлада отколку што е, речиси како на врвот на нејзината кариера во 2000-тите, Кристина со насмевка позираше пред камерите.

Со боб фризура долга до вилицата и прави шишки, пејачката изгледаше свежо и младешки. Носеше тесен црн фустан кој го обликуваше нејзиното тело и ја следеше секоја линија на нејзината витка фигура. Горниот дел од фустанот е направен од кожа, додека здолништето е направено од проѕирен материјал.

Со рацете потпрени на колковите, Кристина изгледаше зачудувачки додека испраќаше бакнежи на публиката. Шминката ја задржа едноставна со нежен акцент на очите, нежна розова нијанса на усните и посветли веѓи.

Нејзиниот вереник Метју Ратлер, со кого е во врска од 2010 година, исто така присуствуваше на настанот и ја бакна во образ. Кристина го комплетираше изгледот со впечатлив ѓердан, многу прстени и сандали на висока потпетица.

Кристина ослабе повеќе од 18 килограми пред нејзиниот престој во Лас Вегас во 2024 година, а обожавателите сè уште се воодушевени од нејзиниот значително послаб изглед.

Славој Жижек е филозоф, а воедно и институција: меѓународен директор на Брикбек институтот за хуманистика (Лондон), професор во Љубљана, автор на повеќе десетици книги и најпознато име на Љубљанската школа на психоанализа. Тој статус, заедно со способноста да ја насмее и Џудит Батлер и студенти од прва година, го прави „неодолив пакет“, како што сакаат да кажат неговите фанови.

Првиот брак во седумдесеттите го донел синот Костја. За тој период ретко зборува јавно, како и за првата сопруга.

Вториот брак бил со Рената Салецл, словенечка филозофка, социолог на правото и членка на Словенечката академија на науки. Рената е светски призната теоретичарка на емоциите и правото, со години предава во Лондон и Њујорк, а нејзините книги се преведени на повеќе јазици. Со Рената има син по име Тим.

„Го мразам венчавањето“

Третиот брак е „приказна за филмски кадар“. Славој Жижек во 2005 година во Буенос Аирес се венчал со Аналиа Хуни, аргентинска манекенка која, покрај моделската кариера, е лакановска истражувачка и ќерка на познати психоаналитичари. Освен тоа е и 30 години помлада од него. Се запознале на негово предавање. Класичен „Жижек- момент“: тој рафално зборува, публиката се смее, а зад сцената почнува сериозна интелектуална размена. Венчавката? И двајцата во бело, двор полн со интелектуална елита, маси прекриени со аргентински деликатеси и литри малбек. И музика што ја бирал Жижек за суптилно да ја исмева целата ситуација.

Секогаш велел дека мрази венчавки, но на целиот традиционален настан со Аналиа сепак се согласил за да ѝ удоволи на неа, а музиката на венчавањето била чисто за негова душа. Кога застанале пред матичарот, свирел вториот став од 10. симфонија на Шостакович („Портретот на Сталин“), а за бакнежот ја пуштил Шубертова „Смртта и девојката“. Типичен Жижек: црн хумор и историска иронија.

Уживав во тоа како мало дете (мисли на изборот на музика). Инаку, целата таа свадба ми беше ноќна мора. И на фотографиите се гледа дека не бев среќен“, говорел Жижек.

Бракот траел четири години и оставил низа митови за „најбизарната плејлиста за венчавање некогаш“.

„По разводот сум убеден не само дека таа личност повеќе не ја сакам, туку сум убеден и дека никогаш не сум ја ни сакал“, рекол подоцна Славој Жижек.

Четвртиот и сегашен брак е со Јела Крешич, словенечка новинарка, публицистка и писателка. Јела е доктор по филозофија, ќерка на истакнатиот историчар на архитектура Питер Крешиќ. Уредничка и авторка во „Дело“, водела значајни интервјуа (вклучително и со Џулијан Асанж) и објавила романи „Ниту други“ и „Книга на другите“. И таа е 30 години помлада од него.

Се венчале во 2013 година во Будва (незаборавен наслов во словенечките медиуми: „Žižka vzela Jela z Dela“ (Жижка ја зела Јела од Дело). Понекогаш настапуваат заедно на трибини, но приватноста главно ја држат надвор од сцената; и двајцата тврдат дека бракот е „релаксирачка институција“, затоа што ги ослободува партнерите од потребата постојано да ја докажуваат љубовта, што одговара на нивниот студен, филозофски прагматичен поглед на интимните односи.

„Како му успеа тоа?“

Фотографиите од венчавката со Аналиа Хуни редовно кружат на социјалните мрежи и секојпат предизвикуваат иста расправа: „Како му успеа тоа, имајќи го предвид неговиот изглед и нејзиниот изглед?“ Коментарите веќе станаа жанр за себе.

„Тој е неверојатно интелигентен, духовит и успешен. Може да изгледа како жаба — што, искрено кажано, и изгледа — и пак тоа би било небитно“, „Славој Жижек е генерациска интелектуална сила и да, жените се „палат“ на такви работи“, „Со него никогаш не би било здодевно“.

Се само дел од коментарите и објаснувањата како Славој Жижек успеал да се ожени со толку успешни и атрактивни жени.

Кој е кој на фотографијата?

На каучот седат младите Бритни Спирс и Џастин Тимберлејк, кои подоцна ќе станат светски познати. Во средината е момчето за кое не мора ни да гледате „Project Hail Mary“ за да сфатите дека станува збор за Рајан Гослинг. Но кое е момчето што лежи преку нивните колена?

Што се случи со четвртото момче?

Станува збор за Ти-Џеј Фантини, кој за разлика од своите колеги на каучот никогаш не изградил кариера како холивудска ѕвезда. Од друга страна, немал ни проблеми со законот како Тимберлејк, па може да се каже дека можеби и поминал подобро.

Додека многумина што ја виделе фотографијата се прашувале кој е Фантини, еден корисник на социјалните мрежи тоа најдобро го опишал: „Се повлече од глумата. Денес е советник во сојузната држава Вашингтон и со музика сè уште се занимава, но само како хоби.“ Според неговите објави на социјалните мрежи, Фантини делува среќно со своето семејство, што само потврдува дека животот во шоу-бизнисот не е за секого.

Славата не е за секого

Да се биде славна личност не е за секого, а многумина што влегле во тој свет со тек на време сфатиле дека им одговара повеќе живот далеку од очите на јавноста. Ѕвездата од филмот „Сам дома“, Меколи Калкин, извесно време направи долга пауза од глумата, иако денес повторно се појавува на екранот во проекти како серијата „Fallout“. Во меѓувреме, комичарот и глумец Пит Дејвисо за „Vanity Fair“ изјави дека бара излез од светот на славата и нешто друго со што би можел да се занимава. Засега, се чини дека тоа се чорапи.

Токму оваа промена, според личен осврт објавен во „Guardian“, длабоко влијаела не само врз пазарот на труд, туку и врз секојдневието на исландските семејства, врз балансот меѓу работата и приватниот живот, па дури и врз чувството на слобода што луѓето го имаат од недела во недела. „Guardian“ наведува дека денес речиси 90% од работниците во Исланд работат пократко или имаат право на пократка работна недела, што ја прави оваа земја еден од најинтересните примери за работна реформа во Европа.

Како Исланд дојде до пократка работна недела?

Промената не се случила преку ноќ и не била резултат на една ненадејна политичка одлука. Во текстот на „Guardian“ се објаснува дека процесот посериозно започнал во 2019 година, по силниот притисок од големите синдикати и по успешните претходни тестирања во кои учествувале повеќе од 1% од вкупната работна популација во земјата.

Тие тестирања покажале дека работното време може да се скрати без системот да колабира, дека услугите и понатаму може да се обезбедуваат квалитетно и дека деловните процеси може да се реорганизираат без драматични последици. Она што следело била постепена, но многу конкретна промена што довела голем број работници во сосема ново секојдневие.

Важно е да се разбере и тоа дека исландскиот модел не е исто што и класичната четиридневна работна недела каква што се спомнува во некои други земји. Во Белгија, на пример, работниците можат истите часови да ги „згуснат“ во помалку денови, што значи дека работат подолго во текот на тие четири дена. На Исланд логиката била поинаква. Таму работното време навистина се скратувало, па за многу вработени транзицијата значела околу 36 часа работа неделно, а не истите 40 часа распоредени поинаку. Токму таа разлика е клучна за разбирање зошто исландскиот модел често се опишува како една од најуспешните работни реформи во последните години.

Што се случило кога работната недела станала пократка?

Најголемите стравови на противниците на ваквите реформи обично се врзуваат околу истите прашања. Дали ќе падне продуктивноста, дали работодавачите ќе ја изгубат контролата врз организацијата на работата, дали услугите ќе станат полоши и дали работата едноставно ќе се прелее во помалку часови, па вработените ќе завршат уште поисцрпени. Но искуството на Исланд, барем според текстот на „Guardian“, покажува дека се случило токму спротивното од она од што многумина се плашеле.

Податоците на кои се повикува текстот упатуваат на тоа дека задоволството од работата и чувството на среќа меѓу вработените пораснале, додека нивото на стрес се намалило. Уште поважно, продуктивноста не се намалила. Во некои случаи останала иста, а во некои дури и се подобрила.

Компаниите морале да почнат да планираат попаметно

Тоа не се случило затоа што луѓето одеднаш почнале да прават чуда, туку затоа што работните места биле принудени сериозно да преиспитаат како го трошат времето. Подолги паузи за кафе, состаноци што траат подолго отколку што е потребно, непотребни состаноци во живо и одлуки кои исто толку добро би можеле да се решат преку е-пошта или пократок онлајн состанок — сето тоа дошло под лупа. „Guardian“ опишува дека многу институции и компании морале да почнат да планираат попаметно, попрецизно и поцелисходно.

Со други зборови, пократката работна недела не значела дека работата исчезнала, туку дека станало неопходно да се отстрани вишокот што порано бил дел од рутината. Тоа можеби е и една од најголемите лекции од исландскиот пример. Понекогаш проблемот не е само во количината на работа, туку и во начинот на кој е организиран работниот ден.

Промена која не останала само во канцелариите

Она што текстот на „Guardian“ го прави особено интересно е фактот дека не говори само за статистики и синдикални преговори, туку и за многу реални, секојдневни ефекти од оваа промена. Авторката пишува од лична перспектива и објаснува како пократката работна недела буквално го променила животот на нејзиното семејство. Нејзиниот сопруг работи во државна канцеларија, а слободниот ден во неделата му отворил можност за поинаков ритам на живот. Тој тогаш може да се наспие, да заврши домашни обврски без брзање, да телефонира со пријатели, да оди во потрага по книги и, што е особено важно, да биде дома на време за да го земе синот од училиште.

Каква е денес ситуацијата на Исланд?

Денес Исланд е земја во која пократката работна недела за голем број вработени стана реалност, а не експеримент. „Guardian“ наведува дека речиси 90% од работната популација работи пократко или има право на скратено работно време. Тоа значи дека промената веќе не е ограничена на мал број прогресивни работодавачи или изолирани пилот-проекти, туку станала важен дел од пошироката работна и општествена рамка. Иако не ги опфаќа сите занимања на ист начин, доволно е распространета за да влијае врз секојдневниот живот на целото општество.

Интересно е и тоа дека ефектите се гледаат и надвор од работните простори. Авторката пишува како во Рејкјавик една од дополнителните предности е намалениот метеж во петок, што го прави движењето низ градот полесно и поудобно. Тоа е ситница која всушност открива многу. Кога се менува начинот на работа, не се менува само распоредот во календарот на вработените, туку и ритамот на градот, навиките на семејствата и целокупната атмосфера на секојдневието.

Времето на подготовка е само 15 минути, но потребно е и дополнително време за ладење. Рецептот е многу едноставен за подготовка, а од состојки ќе ви требаат:

- кокос
- кондензирано млеко
- чоколадо за готвење

Подготовка

Во сад со средна големина измешајте ги кокосот и засладеното кондензирано млеко. Мешајте додека не добиете густа и леплива смеса налик на паста. Со раце обликувајте ја смесата во издолжени форми. За да не ви се лепи смесата за рацете, навлажнете ги откако ќе обликувате неколку парчиња. Обликуваните стапчиња од кокос редете ги на плех обложен со хартија за печење. Ставете ги во замрзнувач околу дваесет минути за да се стегнат.

Во меѓувреме стопете го чоколадото во микробранова печка или на пареа. Изладените стапчиња извадете ги од замрзнувачот. Користејќи две вилушки, секое стапче потопете го во стопеното чоколадо, вртејќи го за да биде целосно обложено.

Чоколадите вратете ги на плех обложен со хартија за печење. Оставете ги неколку часа на собна температура или во фрижидер за чоколадото целосно да се стегне. Потоа се подготвени за послужување.

Според податоците на "Foreign, Commonwealth & Development Office", бројот на дестинации што се сметаат за ризични за патување значително пораснал во последните неколку години. Од 2019 година, листата е проширена за уште 12 земји, па денес дури 76 од вкупно 226 држави и територии се наоѓаат на т.н. „црвена листа“, со препорака патувањата да се избегнуваат поради безбедносни, здравствени или правни закани.

Од нив, 14 земји се означени како целосно небезбедни за какво било патување, додека за уште 38 постојат региони кои треба да се избегнуваат.

За дополнителни 24 земји се препорачува патување само во крајна потреба.

Најризични дестинации

Меѓу државите што се сметаат за особено опасни се издвојуваат:

• Авганистан – екстремен ризик од тероризам и политичка нестабилност, со можност за долготраен притвор на странци. И покрај тоа, на „TikTok“ има повеќе од 6,3 милиони објави со хаштагот #afghanistan, вклучувајќи видеа од инфлуенсери кои ја прикажуваат земјата како „прекрасна“

• Хаити – висок степен на криминал, чести киднапирања и насилство, со присуство на вооружени банди

• Буркина Фасо, Мали и Нигерија – чести терористички напади и нестабилна политичка ситуација

• Иран – напната безбедносна состојба и ризик од апсење, особено за лица со двојно државјанство

• Русија – зголемена опасност од напади на јавни места, како и ризици поврзани со војната во Украина

• Сирија, Јемен, Ирак и Палестина – сериозна закана од конфликти, тероризам и киднапирања

• Белорусија – можност за апсење дури и поради минимални политички активности

• Јужен Судан – вооружени судири, грабежи и насилство на контролни пунктови

Во многу од овие земји, секојдневниот живот дополнително го отежнуваат криминални групи и вооружени фракции, додека во некои се активни екстремистички организации како Ал Каеда и ИСИС.

Сè повеќе ризици, но и љубопитни патници

Експертите предупредуваат дека глобалната безбедносна состојба се влошува, па дестинации кои некогаш биле популарни повеќе не се сметаат за безбедни.

Сепак, според Џејмс Вилкокс, основач на агенцијата „Untamed Borders“, сè повеќе авантуристи се одлучуваат за патувања во ризични подрачја, потпирајќи се на информации од социјалните мрежи и во реално време.

И покрај тоа, мнозинството патници и понатаму ги следи официјалните препораки и избегнува патувања во региони со висок степен на ризик.

Во соопштение до јавноста, компанијата наведува дека повлекувањето се однесува на производи од продажните места на Spar во Австрија (вклучително EUROSPAR, INTERSPAR и Maximarkt), поради сомнеж за криминална надворешна манипулација.

„HiPP е жртва на уцена. Уценувачот испратил порака до централната канцеларија на HiPP во Германија, на заедничко електронско сандаче кое се проверува периодично“, соопштија од компанијата.

Оттаму додаваат дека веднаш ја известиле полицијата и формирале кризен тим, преземајќи итни мерки за заштита на потрошувачите, во координација со властите.

„Инцидентот на никаков начин не е поврзан со квалитетот на нашите производи. Нашите производствени и контролни процеси остануваат непроменети. Станува збор за надворешна криминална манипулација надвор од нашата контрола“, наведуваат од HiPP.

Компанијата апелира до родителите да внимаваат на амбалажата – да проверат дали е неоштетена, дали капакот е правилно затворен и да не користат производи со сомнителен мирис или изглед.

Поради тековната истрага, од HiPP велат дека засега можат да споделуваат само информации одобрени од надлежните, но најавуваат дека ќе информираат штом има нови детали.

Сепак, атмосферата не се промени за Французинот и според него, двете страни се блиску до договор.

„Многу се зборуваше, но долго време преговаравме со клубот и сме блиску до договор. Мислам дека сите сакаа тоа да биде што е можно поскоро, но ние сме на вистинскиот пат. Секако постои голема шанса да бидам тука следната сезона. Ова е она што отсекогаш го сакав“, рече Конате.

Конате одигра 113 натпревари во Премиер лигата откако се приклучи на Ливерпул, со кого ја освои титулата минатата сезона, како и ФА Купот и Лига Купот во 2022 година.

-Тоа не беше време на лесни решенија. Тоа беше време на санкции, ембарга, неизвесност и кревка државност. Но токму тогаш се покажа дека политиката не служи за да се делат улоги и функции, туку за да се носи тежината на државата. Но токму тогаш се покажа дека политиката не служи за да се делат улоги и функции, туку за да се носи тежината на државата. И затоа, кога денес се навраќаме на тие почетоци, не треба да паметиме само имиња и функции. Треба да ја паметиме лекцијата: државата не се гради со викање, државата се гради со разум, со институции и со одговорност. И затоа толку силно одѕвонува реченицата на Киро Глигоров: „Македонија е сѐ што имаме“. Тоа не е само наслов на книга. Тоа е и мерка на политичка зрелост, рече Филипче.

Притоа, Филипче подвлече дека вистинската државотворност се покажува во најтешките моменти, потсетувајќи на улогата на СДСМ во 2001 година и потпишувањето на Охридскиот рамковен договор.

-Во 2001 година, кога државата беше на работ на бездна, СДСМ беше дел од владата на национално единство и еден од потписниците на Охридскиот рамковен договор. Вистинската државотворност не е да навиваш од безбедна далечина, туку да носиш одлуки и одговорност кога цената е највисока. По конфликтот, одговорноста продолжи и во 2002 година, а во 2005 Македонија го доби кандидатскиот статус за членство во Европската Унија. Тоа не беше подарок, тоа беше силна порака дека мирот, демократијата и европската иднина не се одделни приказни, туку една иста државна и историска задача. Кога сме биле најдобри, сме биле разумни. Кога сме биле најразумни, сме биле и најевропски , рече Филипче.

На свечената седница Филипче се осврна и на поновите политички и храбри одлуки на СДСМ, потенцирајќи го членството во НАТО.

-По политичката криза, по Пржино, по изборите во 2016, во 2017 СДСМ повторно ја презеде одговорноста да ја извади државата од блокада. Дојдоа најтешките државни одлуки: Преспанскиот договор, влезот во НАТО во 2020, па стартот на пристапните преговори со ЕУ во 2022. Околу тие одлуки ќе има расправи и утре, и задутре, и уште долго. Бевме соочени, и се уште сме, со најтешките клевети и партиски пропаганди за велепредавства, за измислена распродажба на државни и национални интереси, наводно загрозени идентитет, јазик и историја. Но, фактите остануваат, тие не можат да се избришат и покрај жестоките пропаганди и манипулации: Ништо не е изгубено, напротив, идентитетот, јазикот, културата историјата се заштитени.Потпишан е договор со ЕУ на македонски јазик, државата стана побезбедна, рече Филипче.

Претседателот на СДСМ, Филипче нагласи дека вистинската социјалдемократија подразбира систем на еднаквост, правда и солидарност.

-Што е вистинска социјалдемократија. Таа не е боја. Не е етикета. Не е носталгија. Не е удобна партиска поза. Вистинската социјалдемократија е политика во која слободата не е привилегија на богатите, а правдата не е утеха за сиромашните. Вистинската социјалдемократија е држава што ги шири демократските принципи и врз економијата. Тоа значи работа што носи достоинство, јавно образование што носи шанса, здравство што не зависи од врски, даноци што не го газат средниот слој и ранливите, туку бараат фер придонес од оние што имаат најмногу. Тоа значи слобода, правда и солидарност, не како плаќат, туку како систем, рече Филипче.

Макрон изјави дека Франција не била директна цел на нападите врз бродови и повика на целосно и безусловно отворање на теснецот.

Воедно, рече дека е „разумно оптимистичен“ за исплата на 90 милијарди евра европски заем за Украина, по политичките промени во Унгарија.

Дополнително, Франција и Полска ја продлабочуваат соработката во одбраната и технологијата, вклучително и развој на воен сателит, додека Европа бара алтернативи за да ја намали зависноста од „Старлинк“.

Тој истакна дека времето не му е непријател и дека целта е конечно да се реши долгогодишниот проблем, обвинувајќи ги претходните претседатели дека не покажале доволно храброст и визија.

Ердоган додаде дека владата ќе преземе и дополнителни чекори за следење на интернетот како дел од одговорот на овие инциденти.

Украинецот не ги крши противниците само со темпо, движење и боксерска интелигенција, туку и со удари во телото кои со текот на времето почнуваат да ги гасат нозете, ритамот и отпорот. Токму затоа Верховен во кампот очигледно ништо не препушта на случајот.

Во тоа му помага и Еди Хол, британскиот „гигант“ тежок околу 150 килограми, човек чиј удар сам по себе носи речиси гротескна количина сурова сила.

Во снимките што привлекоа големо внимание може да се види како Хол со сета сила го удира Верховен во телото, додека холандскиот кик-боксер ги прима ударите и се обидува да се приспособи токму на оној вид непријатност и болка што го чека против Усик.

Секако, Хол ни во сон не може да го имитира Усик, ниту пак некој разумен може да тврди дека ваквиот тренинг верно ќе го симулира она што Украинецот го прави во рингот. Но како суров тест на издржливост и подготовка на трупот за удари, ваквиот пристап и тоа како има своја логика.

Затоа што, ако нешто низ годините стана заштитен знак на Усик, тоа не е само неговото движење низ рингот и чувството за дистанца, туку и начинот на кој систематски ги разорува противниците преку удари во телото. Неговите удари не мора секогаш на прв поглед да изгледаат спектакуларно, но како што минуваат рундите стануваат сè поскапи за човекот што ги прима. Токму затоа не е случајно што Верховен сега очигледно се обидува да го зајакне тој сегмент, не само физички, туку и психички, навикнувајќи се на контактот, болката и непријатноста што ваков меч неизбежно ги носи.

Хол во таа смисла е многу специфична алатка. Тој не е тука за да го глуми Усик, туку на Верховен да му понуди нешто што малкумина можат – брутална маса зад ударот. Ако Рико може да остане прибран и цврст додека човек од 150 килограми му го разорува гардот со удари во телото, тогаш барем делумно гради отпорност за она што го чека против боксерскиот крал. Тоа, секако, не значи дека со тоа го решил проблемот наречен Усик. Далеку од тоа, но покажува дека неговиот камп очигледно добро разбира каде лежи една од најголемите опасности во тој меч.

На крајот, јавноста најмногу ќе ја интересира дали Верховен воопшто може да ја преживее боксерската длабочина што Усик ја носи со себе. Но веќе сега е јасно дека подготовките не се сведуваат само на маркетинг и атрактивни снимки. Ако Холанѓанецот навистина вака ги прима ударите на Хол за да се зацврсти за ударите на Усик во телото, тогаш пораката е прилично јасна – знае од каде доаѓа една од најголемите опасности и се обидува да ѝ се спротивстави на најтврд можен начин.

Вечерта во Театар Комедија повторно беше исполнета со магија – полна сала, насмевки и громогласен аплауз што долго одекнуваше по завршувањето на претставата.

Публиката уживаше во убавината на делото, а импресивната игра на актерите ја претвори сцената во вистинско ремек-дело.

„Ивона принцезата на Бургунд“ не беше само театарска изведба, туку и потсетник дека културата може да биде мост кон хуманоста. Секој посетител имаше можност да ја погледне претставата без да купи карта, а истовремено да придонесе за оние на кои им е најпотребно преку донации за Банката за храна. Така, секоја насмевка во салата се претвори во надеж за некого надвор од неа.

Од Mozzart велат дека нивната мисија е јасна – секој да има можност да ужива во театарската уметност, без пречки и ограничувања, а истовремено да се поттикне духот на солидарност и добрина.

„Со секоја претстава сакаме да покажеме дека уметноста и хуманоста се неразделни. Нашата цел е да создадеме заеднички моменти што ќе инспирираат и ќе помогнат,“ изјави Ивана Стефановска Крстевска од Mozzart.

Проектот „Театарот на хуманоста“ продолжува со уште неколку претстави во наредниот период. Секоја нова изведба ќе биде нова можност за граѓаните да уживаат во културата и истовремено да направат добро дело.

Се покажува дека кафето може да биде и клуч за долговечност, што го потврдува примерот на жителите на Икарија. Дознајте како тие го подготвуваат кафето што придонесува за долг живот и добро здравје.

Како кафето влијае врз здравјето?

Научниците долго време ги проучуваат навиките во исхраната на жителите од т.н. „сини зони“. Герасимос Сијасос, лекар и професор на Медицинскиот универзитет во Атина, се фокусирал на тоа какво кафе пијат постарите луѓе на Икарија, каде што има најголем процент стогодишници.

Тој сакал да утврди како оваа напивка влијае врз нивното здравје. Претходни истражувања покажале дека кафето го намалува ризикот од исхемична срцева болест и дијабетес — болести што често ги погодуваат постарите лица и можат да доведат до компликации, па дури и смрт.

Во текот на истражувањето, професорот Сијасос ги анализирал здравствените податоци на лица постари од 65 години кои од раѓање живеат на островот. Се покажало дека дури 87% од нив пијат варено кафе.

Кои својства ги има грчкото кафе?

Додека повеќето од нас се фокусираат на изборот на вид кафе и додатоци, тајната можеби се крие во начинот на подготовка.

Вареното грчко кафе е богато со полифеноли, кои ги неутрализираат слободните радикали одговорни за развој на карцином и кардиоваскуларни заболувања. Хлорогенската киселина што ја содржи помага во регулирање на нивото на шеќер во крвта и го намалува ризикот од дијабетес. Грчкото кафе е богато и со дитерпени, кои имаат антиканцерогени и

противвоспалителни својства. Интересно е што содржи помалку кофеин, па делува поблаго и не го оптоварува организмот.

Како да направите грчко кафе?

Подготовката не е сложена. Потребни ви се ѓезве и ситно меленo кафе.

Во ѓезвето сипете 60 мл вода и додајте полна лажичка кафе. По желба додајте шеќер или мед и промешајте. Ставете го ѓезвето на тивок оган и полека загревајте, без понатамошно мешање. Кога ќе почне да се создава пена на површината, тргнете го од оган за да не зоврие. Сипете во шолја, внимавајќи пената да остане одозгора. Кафето е подготвено за пиење кога малку ќе се излади.

Кафето во умерени количини има позитивно влијание врз здравјето, но ако се консумира премногу, може да доведе до губење минерали и проблеми со спиењето. Ако изберете грчко кафе, можете да си дозволите малку повеќе, бидејќи содржи помалку кофеин од класичното еспресо.

На самиот врв на оваа листа се наоѓа Ева Мари Сент (101). Актерката која дебитирала во 1946 година, засекогаш е запишана во историјата со улогата во класиката „On the Waterfront“, за која доби и Оскар. Со својата елеганција во трилерот на Хичкок „North by Northwest“ постави стандарди за „хичкоковската русокоса“ кои ретко кој може да ги надмине.

Веднаш зад неа е и Дик Ван Дајк, кој во декември минатата година го прослави својот 100-ти роденден. Кариерата ја започнал во 1947 година, а стана синоним за семејна забава благодарение на филмовите „Mary Poppins“ и „Chitty Chitty Bang Bang“. Неговата виталност и денес предизвикува восхит кај публиката ширум светот.

Кога зборуваме за деведесетгодишниците, невозможно е да се заобиколи Клинт Иствуд (95). Од своите почетоци во 1954 година, Иствуд поминал пат од каубоец до еден од најценетите режисери на денешницата. Неговата работа на филмови како „Million Dollar Baby“ покажува дека креативната енергија не познава биолошки часовник.

Слична долговечност ужива и Вилијам Шатнер (95), култниот капетан Кирк од „Star Trek“, кој кариерата ја започнал во 1951 година. Шатнер е познат по тоа што станал најстарата личност која некогаш летала во вселената, со што докажа дека границите се тука за да се рушат.

Листата ја надополнуваат икони како Роберт Дувал (95), незаборавниот советник од „The Godfather“, како и сер Мајкл Кејн (93), кој по седум децении работа и улоги во хитови како „The Dark Knight Rises“ неодамна најави повлекување, оставајќи зад себе неизбришлива трага.

Меѓу дамите, тука се Розмари Харис (98), позната по улогите во филмовите „Spider-Man“, и неповторливата Софија Лорен (91). Италијанската дива, чија кариера започнала во 1950 година, и денес останува симбол на безвременска убавина.

Меѓу помладите на оваа листа се легендите Морган Фримен (88), Дастин Хофман (88), Ентони Хопкинс (88) и Ал Пачино (86).

Речиси секое шесто лице во земјата се наоѓа на работ на сиромаштија, покажуваат најновите податоци што ги пренесува „Tagesschau“. Зад тие бројки стојат милиони граѓани чии приходи се значително под просекот.

Особено загрижува положбата на децата и младите. Според проценките на организацијата „Deutsches Kinderhilfswerk“, во текот на 2025 година околу 1,81 милион деца живееле во домаќинства што зависат од социјална помош.

Трендовите покажуваат влошување на ситуацијата:

- стапката на сиромаштија пораснала од 14,4% (2023) на 16,1% (2025)
- најзагрозени се самохраните родители, самците, невработените и пензионерите
- инфлацијата најмногу ги погодува цените на храната и енергијата
- вработувањето повеќе не е сигурна заштита од сиромаштија

Границата на сиромаштија моментално изнесува околу 1.446 евра месечно за едно лице, односно околу 3.036 евра за четиричлено семејство.

Сиромаштијата станува поширок општествен проблем

Сиромаштијата во Германија повеќе не е изолирана појава – сè почесто го погодува и средниот слој.

Причините се повеќекратни: последиците од пандемијата, растот на цените на енергијата, геополитичките кризи и долготрајната инфлација. Инфлацијата во март изнесувала 2,7%, додека цените на енергијата пораснале околу 7,2% на годишно ниво.

Секојдневниот живот под притисок на трошоците

Високите цени директно влијаат врз животот на граѓаните. Примерот на самохрана мајка покажува дека, и покрај државната помош, на многумина им останува многу мал износ за основните трошоци.

Статистиката дополнително ја потврдува сериозноста на ситуацијата:

- 29% од самохраните родители се во ризик од сиромаштија
- 30,9% од самците
- 64,9% од невработените

Кога работата повеќе не е доволна

Работата повеќе не гарантира излез од сиромаштија. Многу вработени работат за ниски плати и мора да користат дополнителна социјална помош. Експертите предупредуваат дека главните причини се структурни проблеми:

- раст на бројот на ниско платени работни места
- високи трошоци за домување
- недоволна социјална заштита
- прекини во работната кариера

Финансиска дисциплина како краткорочно решение

Иако не ги решаваат причините за проблемот, многу граѓани се обидуваат да ја олеснат ситуацијата преку штедење и подобра контрола на трошоците:

- планирање на купувањата и список за шопинг
- споредување на цените
- купување поевтини брендови
- намалување на потрошувачката на енергија
- следење на месечните трошоци
- проверка на правото на социјална помош

Малите заштеди можат да направат разлика и со текот на времето да го намалат финансискиот притисок, но експертите нагласуваат дека се потребни системски промени за проблемот со сиромаштијата долгорочно да се реши, пренесува „Fenix-magazin“.

„Успеа самата да стане по ударот“, вели сведок на настанот за „Макфакс“.

На местото бил присутен и возачот на џипот, кој разговарал со полицијата додека се вршел увид.

Засега нема официјални информации за тежината на повредите, ниту за околностите под кои дошло до несреќата.

Хаџи (61) потпиша договор за следните две квалификациски рунди, а на романската клупа ќе го наследи Мирчеа Луческу.

Луческу ја одведе Романија до плејофот за Светското првенство, а на крајот на март, оваа селекција беше поразена од Турција во Истанбул во полуфиналето со 1:0. Луческу почина само 15 дена подоцна.

Долго време се знаеше дека Хаџи ќе го наследи Луческу, а сега тоа е и официјално.

Хаџи е легенда на европскиот фудбал, во текот на својата фудбалска кариера одигра 125 натпревари за романската репрезентација и постигнак 35 гола, а беше член и на тимот што играше во четвртфиналето на Светското првенство во 1994 година и на Европското првенство во 2000 година.

Тековниот договор на Ридигер истекува на крајот од оваа сезона.

Реал со тоа продолжува со практика слична на случаите на Лука Модриќ, Тони Крос и Начо Фернандез, каде што договорите се продолжуваат од сезона во сезона во зависност од формата и потребите на тимот.

Од друга страна, Ридигер сè уште не дал конечен одговор на понудата, бидејќи претходно сакал двегодишен договор, но се очекува да остане.

Тој одигра 21 натпревар во сите натпреварувања оваа сезона и постигна еден гол, а во Реал пристигна во 2022 година од Челзи.

Второто место му припадна на Танзаниецот, Алфонсо Симба, кој беше 55 секунди зад победникот, а Кениецот Бенсон Кипруто се искачи на најдолното скалило на подиумот.

Кенијките доминираа и во женската трка. Шерон Локеди победи со време 2:18:51. Минатата година, таа го постави рекордот на патеката со 2:17:22.

На подиумот ѝ се придружија сонародничките Луиз Чемнунг (2:19;35) и Мери Нгуги – Купер (2:20;07).

Бостонскиот маратон се одржа за прв пат во 1897 година.

Како што се наведува, зградата ќе опфаќа луксузни станбени единици, ексклузивни малопродажни простори, како и хотелски содржини од највисока категорија.

За визуелниот идентитет и дизајнот е задолжена светски познатата архитектонска фирма „Генслер“ (Gensler), додека зад реализацијата стои конзорциум составен од водечките локални компании „Арчи груп“ (Archi Group) и „Бајограпи ливинг“ (Biograpi Living).

Локалните економски аналитичари оценуваат дека влезот на ваков звучен бренд би можел дополнително да го поттикне пазарот на недвижности во Грузија и покрај сложените геополитички околности во регионот.

Тбилиси во последните години се позиционира како регионален центар, а изградбата на ваков симбол на модерната архитектура би можела да привлече нови странски инвестиции.

Овој потег означува продолжување на интензивната меѓународна експанзија на брендот на семејството Трамп во 2026 година, пренесе „Ројтерс“.

Во февруари беше потпишан сличен договор во Австралија, вреден 1,5 милијарди австралиски долари, што го потврдува фокусот на организацијата кон пазарите во развој и престижните глобални локации.

Од Каталонија доаѓаат информации дека Барса му понудила нов договор по принципот „земи или остави“. Во превод, условите се тие понатамошни преговори нема да има.

Левандовски на маса ја има можноста да потпише едногодишен договор со повеќекратниот европски шампион, но под далеку полоши финансиски услови во споредба со оние што ги имаше досега. Дури се зборува и за 50 проценти помала плата.

Исто така неговата улога во тимот би била ограничена, бидејќи Барса веќе започна со потрага по нова прва опција во шпицот.

Тешко е да се очекува дека Полјакот ќе го прифати ова, бидејќи дури и сега има понуди кои се многу подобри од Барса, па разделбата е се поизвесна.

Во неодамнешно видео објаснил зошто луѓето не треба да фрлаат електрични четки за заби во ниту една домашна канта за отпад поради опасноста што можат да ја предизвикаат. Иако на прв поглед можеби не изгледа важно, зад тоа се крие сериозен проблем.

Опасност од пожар во камион

Ешли објаснил дека причината поради која електричните четки за заби не треба да се фрлаат ниту во канта за мешан отпад ниту во канта за рециклирање е многу едноставна — спречување пожари и штети.

„Не е дека ние не сакаме да ги однесеме. Не ги собираме за да спречиме пожари во задниот дел од камионот. Кога пресата ќе се спушти и ќе ја пробие батеријата во четката, тогаш настанува пожар“, рекол тој. „Истото се случува и кога отпадот ќе стигне во постројка за сортирање и таму се дроби, а не се очекува дека внатре има електрични уреди — тоа е причината.“

Вирален совет

Ешли објаснил и како безбедно да се отстранат старите електрични четки за заби.

„Не ги ставајте ниту во канта за мешан отпад, ниту во канти за рециклирање, затоа што во себе имаат батерија на полнење. Знам дека е незгодно, но мора да ги однесете во продавница како „Boots“ или „Currys“, или во која било друга што продава мала електроника“, објасни тој.

„Понекогаш тие продавници имаат контејнер пред влезот каде што можете да ги оставите. Друга опција е да ги однесете во рециклажен двор, каде има посебен контејнер или оддел за мала електроника. Понекогаш едноставно треба да ги однесете работите таму каде што сте ги купиле“, додал тој.

Уште една опција за излет во околината на Лисабон

Ова шармантно место е оддалечено само околу 30 километри од Лисабон, а уште помалку од малку мистичната Синтра. За оние што го посетуваат Лисабон, блиската Синтра често е еднодневен излет, па тогаш се поставува прашањето — зошто да не се продолжи и до шармантното Азењас до Мар?

Името многу кажува за историјата на ова место, во кое секојдневието го делат неколку стотици постојани жители. Азењас до Мар во превод значи „мелници на море“. Тие некогаш работеле на блиската рекичка Камеихо, а во нив се мелело жито. Нивните остатоци и денес можат да се видат во тој крај.

Место што го посетувале кралеви и кралици

Но, Азењас до Мар на почетокот на 20 век тргнал по друг пат — патот на туризмот. Благодарение на својата положба на драматична карпа, но и на убавината на целата глетка што ја нуди, Азењас до Мар се претворил во популарно летувалиште, но за побогатите и благородните. Го посетувале дури и кралот Карло I и кралиците Амелија и Марија Пија. Популарноста била проследена и со физичко ширење на населбата: никнале уште повеќе куќи на работ од карпата.

Ова подрачје е познато и по производството на вино, кое датира од 19 век. Првите локални производители се споменуваат уште во 1848 година. Тамошните лозја се специјализирани за сортата Рамишку, а се познати по тоа што, благодарение на песокливата почва, успеале да го преживеат пропаѓањето на лозарството во Европа кон крајот на 19 век, до кое дошло поради лозовата вошка, односно филоксерата.

Во Азењас до Мар сè се врти околу погледот

Во Азењас до Мар акцентот е ставен на погледите. Најпрво на самото населено место, потоа на Атлантикот, а на крај и на шармантните градби во самото место. Меѓу нив особено се издвојува капелата „Сао Лоренсо“ од 16 век, но и летниковецот со бел покрив и портокалови капаци што во 1920 година го изградил архитектот Раул Лино. Станува збор за дело што ја претставува неговата „игра“ со традиционалната португалска архитектура.

Азењас до Мар се гордее и со плажа. Таа се наоѓа во подножјето на самата карпа, како и вештачкиот базен изграден во средината на 20 век. Љубителите на песокот тука ќе уживаат, но само за време на осека, бидејќи песочната плажа за време на плима знае целосно да „исчезне“. Во околината на местото има и низа плажи, како што се Праја да Агуда, Праја до Магоито и Праја дас Масас.

Оние што сакаат да уживаат во погледот кон местото, најмногу ќе уживаат ако му пријдат од јужната страна. Таму, додека му се приближувате на местото, има видиковец и паркинг, а љубопитните можат да продолжат уште два километри кон внатрешноста, до капелата Сао Мамеде де Жанас. Кај таа капела, во средината на август, се одржува необична традиционална процесија: сопствениците со својата стока трипати кружат околу капелата во насока спротивна од стрелките на часовникот, со што примаат благослов. Капелата, со навистина необичен изглед, според верувањата е изградена на местото каде што некогаш стоел римски храм посветен на божицата Дијана.

Неизбежната Синтра и крајот на светот

За крај, неколку основни информации за блиската Синтра, под чија „закрила“ потпаѓа Азењас до Мар. Овој град е впишан на листата на светско наследство на УНЕСКО, а воедно е и дом на една од најпознатите градби во Португалија. Станува збор за еден од симболите на таа земја: палатата Пена, обвиена во различни бои.

Исто така, ако некогаш се најдете во овој дел од Португалија задолжително посетете го и таканаречениот „крај на светот“, односно најзападната точка на Португалија, но и на континентална Европа. Кабо да Рока, во превод „карпест врв“, е рт висок 144 метри, природна убавина и популарна туристичка дестинација. Отсекогаш бил предмет на фасцинација и љубопитност. „Место каде што завршува земјата и почнува морето“ се зборовите на португалскиот поет Луиш де Камоиш, кои и денес го красат тој краен дел од стариот континент. Сè до крајот на 14 век навистина се верувало дека тоа место е токму тоа — крајот на светот…

Имено, среде Зимските олимписки игри во Милано и Кортина, Ѓоковиќ одлучи да се огласи и со воодушевување да зборува за Кинезинката која многу Американци ја прозиваат. Имено, тие не се среќни поради тоа што одлучи да настапува за земјата на своите родители, а не за САД, иако е родена во Калифорнија.

Ајлин се занимава со скијање во слободен стил и на Зимските олимписки игри во Милано и Кортина освои две сребрени медали. Пред четири години во Пекинг освои две злата и едно сребро, а на Американците не им се допаѓа што, иако е родена во Калифорнија, настапува за Кина.

Отидоа толку далеку што ѝ дадоа прекар „Геноцидна Барбика“.

„Виновна за предавство: Сребрениот медал на Ајлин Гу на Олимписките игри е извалкан со кинеско државјанство“, стоеше во насловот на „Rezonate“.

Новак со воодушевување ги сподели нејзините успеси бидејќи таа самата го цитирала неколку пати.

Ајлин некогаш настапуваше за САД, бидејќи нејзиниот татко е Американец, а мајка ѝ, Кинезинка, ѝ овозможила да студира на Стенфорд.

Кина ја нарекува Снежна принцеза, а таа секогаш со многу почит зборувала за двете земји.

„Од малечка секогаш велев дека сум Американка, но кога сум во Кина тогаш сум Кинезинка. Ги негувам пријателствата од двете страни и тоа е најдобриот начин да им ја покажам другата култура“, велела таа.

Енес Кантер, натурализиран кошаркар, беше особено остар.

„Ајлин Гу е предавничка. Таа е родена во Америка, пораснала во Америка, живее во Америка и одлучила да се натпреварува против својата држава за најголемиот прекршител на човековите права во светот — Кина. Својата слава ја создаде во слободна земја, а потоа избра да претставува авторитарен режим додека добива пари од групи кои имаат свои логори.

Кога станува збор за човековите права, таа исчезнува. Тоа не е неутралност, тоа е избор. Избра да претставува земја одговорна за смртта на десетици милиони свои луѓе која во моментов има концентрациони логори, наместо земјата во која е родена и која ѝ дала можност. Не треба да има можност да ужива права во Америка додека е ПР на Комунистичката партија на Кина. Со тоа што избра да ја промовира на светската сцена значи дека го изгубила моралното право на Америка. Избра комунизам наместо слобода“, напиша Енес Кантер во една прилика.

Таа годишно заработува околу 23 милиони долари и е една од најплатените спортистки во светот, а Мет Витлок јавно праша дали го критикува Си Џинпинг поради „геноцид, ропство и апсење на дисиденти“.

Веднаш по победата на парламентарните избори на 12 април, Петер Маѓар најави дека има намера да ја врати Унгарија во МКС. Во исто време, израелските медиуми објавија за негов телефонски разговор со израелскиот премиер, во кој Маѓар го поканил Нетанјаху во Будимпешта на 23 октомври, по повод 70-годишнината од востанието во 1956 година.

На прашање од новинар во понеделник дали тука има контрадикторност, Маѓар појасни дека поканата ја упатил до сите лидери со кои разговарал телефонски.

„Ако некоја земја е членка на Меѓународниот кривичен суд и лице по кое се трага влезе на нејзина територија, тогаш тоа лице треба да биде уапсено“, додаде идниот проевропски конзервативен лидер на прес-конференција по првиот состанок на неговата пратеничка група во парламентот.

„Не морам сè да кажам преку телефон. Претпоставувам дека секој шеф на држава и влада ги познава тие закони“, додаде Маѓар.

Меѓународниот кривичен суд со седиште во Хаг во 2024 година издаде налог за апсење на Бенјамин Нетанјаху поради воени злосторства и злосторства против човештвото во Појасот Газа.

Маѓар стави до знаење дека неговиот тим ја проучува процедурата за прекин на процесот на повлекување на Унгарија од Меѓународниот кривичен суд пред 2 јуни.

Маѓар во понеделник најави и дека конститутивната седница на Националното собрание ќе се одржи за време на викендот на 9 и 10 мај, кога ќе положи заклетва.

Деца од предучилишна возраст, како и ученици од основното и средното образование учествуваа во бројни спортско-рекреативни содржини: физички вежби, тимски игри, музички и танцови изведби, како и атлетска трка што ја донесе натпреварувачката возбуда и радост.

При обиколката на групите, распоредени според возраста и интересите, претседателката со особено внимание ги проследи активностите, изразувајќи искрено задоволство од ентузијазмот, посветеноста и позитивната енергија на учесниците.

Според неа, иницијативата го покрива не само само образованието, туку има поширока општествена цел: да создава поактивни, посвесни и поздрави генерации.

„Она што нè обединува сите е квалитетното образование, физичката култура и доброто здравје“, рече претседателката.

За неа, има насушна потреба од поздрав модел на живеење, во којшто младите ќе бидат физички поактивни, подолго ќе престојуваат во природата, третирајќи ја како рамноправен партнер, и кон сопственото здравје ќе се однесуваат како кон највреден личен и социјален капитал.

Говорејќи за значењето на физичкото образование, Сиљановска-Давкова нагласи дека спортот истовремено и подеднакво ги зајакнува телото, умот, карактерот и духот.

Деканот на Факултетот за физичко образование, спорт и здравје, Влатко Неделковски, поздравувајќи ја идејата на Сиљановска-Давкова, за спортско-културен настан во дворот на Кабинетот, ги образложи мотивите на иницијативата со очекување на добри резултати преку интензивна институционална соработка.

За него, основната причина за физичка активност е градењето здрава нација, неопходна не само во нижењето успеси во спортот, туку и како движечка сила на економскиот и севкупниот општествен развој.

Деканот очекува дека заедно со експертски групи од Хрватска и Словенија, а во соработка со Бирото за развој на образованието и Министерството за образование и наука, како и Владата, веќе по три години ќе имаме видливи резултати со коишто ќе се гордееме.

„За набавка на нова и модерна опрема се наменети 32,5 проценти од Буџетот“, рече Мисајловски.

„Нашата држава е кредибилен сојузник со исклучително високо ниво на инвестиции во процесот на модернизација и опремување“, рече Мисајловски и додаде дека државата сериозно го надминува НАТО стандардот од 20 проценти за оваа намена. Мисајловски истакна дека државата е на добар пат да го исполни заеднички договореното ниво од 3,5% од БДП наменети за одбранбениот буџет и 1,5% од БДП за активности и проекти поврзани со одбраната до 2035 година.

Генералот Лафчиски, пак, информираше дека во тек е вежбата „Блесок 26“ на која ќе се изврши оценување на Лесната пешадиска баталјонска група, истакнувајќи ја поддршката на САД и сојузниците за остварување на оваа НАТО цел на способност.

Во текот на посетата, припадници од Баталјонот на специјални сили и Извидувачко-разузнавачкиот баталјон реализираа методско-показна вежба, на која беа презентирани дел од нивните способности, обученост и подготвеност за извршување на сложени мисии.

По завршувањето на вежбата, Витакер имаше можност да го обиколи тактичко-техничкиот збор, каде беа изложени дел од средствата, вооружувањето, опремата и возилата со кои располагаат единиците на Армијата.

На настанот присуствуваа: вршителот на должност шеф на Мисијата на Амбасадата на САД, Никол Варнс, генерали во Армијата и претставници од Армијата, Министерството за одбрана и Амбасадата на САД во нашата држава.

Посетата на амбасадорот на САД во НАТО, Метју Витакер, претставува потврда за силното партнерство и сојузништво меѓу Република Северна Македонија и Соединетите Американски Држави.