Вардар со седма победа во СЕХА

Макфакс

14/11/2017

23:31

377

Големина на фонт

а а а

Вардар рутински стигна до седмата победа во седмиот меч од регионалната Газпром СЕХА-лига победувајќи го српскиот тим Динамо Панчево со убедливи 42:32.

По големата победа на гости кај ППД Загреб, тренерот Раул Гонзалес се реши за комбиниран состав против српскиот тим, кој беше доволно силен да се задржи 100-отстотниот успех во СЕХА-лигата.

Најрасположен за голови беше Мијајло Марсениќ со 7 погодоци од осум обиди, а по шест гола ставија Жоан Кањељас и Иван Чупиќ. Креаторот на победата од ЛШ во Загреб, голманот Арпад Штербик, доби поштеда за Страхиња Милиќ да има 24 одбрани, а Даниел Ѓорѓески да заврши со 11 интервенции. Кај гостите најефикасен беше Стефан Шапоњиќ со осум гола, а Александар Пилиповиќ додаде шест.

Ова беше совршена подготовка за „црвено-црните“ пред саботната пресметка со германскиот гигант Рајн-Некар Левен во Скопје.



Спонзорирани линкови

Маркетинг