Претставен е првиот луксузен паметен часовник на Louis Vuitton

Точка

14/07/2017

17:30

1.148

Големина на фонт

а а а

Модниот бренд Louis Vuitton го претстави својот најнов производ - паметниот часовник Tambour Horizon.

Уредот работи на Андроид оперативниот систем, а достапен е во три различни стилови - Graphite, Monogram и Black кои што се разликуваат единствено по бојата, но не и по спецификациите.

Часовниците се дизајнирани во Франција, а се склопуваат во Швајцарија. Имаат 4 GB интерна меморија, а на екранот можат да се изберат најразлични опции, како добивање на нотификации, следење на временската прогноза, читање на електронската пошта, поминато растојание и слично.

Во понудата на паметниот часовник на Louis Vuitton има дури 60 ременчиња кои што можат да се менуваат на часовникот и тоа 30 машки и 30 женски, а тука се и низа на дигитални часовници кои што можат да се симнат.

Од останатите спецификации, Tambour Horizon на Louis Vuitton има Wi-Fi и Bluetooth, AMOLED екран со резолуција од 390х390 пиксели, а батеријата може да трае до 22 часа.

„Не знаеме каде индустријата ќе не одведе, но знаеме дека тоа ќе биде еден далечен пат. Можете да стоите на маргините и да следите што ќе се случува, или можете да се вклучите и да учествувате во тоа“, изјави претседателот на модната куќа, Михаел Бурке.

Почетната цена на овој паметен часовник кој ќе се продава исклучиво во продавниците на Louis Vuitton изнесува 2,200 евра.



Спонозорирани линкови

Маркетинг