Јокиќ со трипл дабл го сруши Голден Стејт

Макфакс

14/02/2017

10:06

433

Големина на фонт

а а а

Младиот српски центар Никола Јокиќ со вториот трипл дабл во кариерата го сруши најдобриот тим во лигата Голден Стејт Вориорс, во натпревар во кој Денер го победи вицепрвакот со 132:110.

Денвер против лидерот во НБА лигата одигра совршен меч го израмни рекордот во лигата според бројот на постигнати тројки (24/40). Идентичен број на тројки сезонава уфрли и тимот на Хјустон но од 61 обид.

Јокиќ блескаше со трипл дабл од 17 поени, 21 скок (рекорд на кариерата) и 12 асистенции. 21-годишниот центар сам имаше само шест скокови помалку од целиот тим на Голден Стејт.

Покрај Јокиќ белскаа и останатите млади играчи на Денвер, Хуан Ернангомез со 27 поени беше најефикасен играч на мечот, Вил Бартон постигна 24 поени, а Џамир Нелсон 23 поени.



Победата на Денвер е уште позначајна бидејќи до неа стигнаа без повредените Кенет Фарид, Данило Галинари, Вилсон Чендлер, Дарел Артур и Ентони Мудиеј.

Голден Стејт играше без Заза Пачулија и Клеј Томпсон, најеофикасен беше Кевин Дурент со 25 поени, додека Стеф Кари уфрли само 11 кошеви.

Голден Стејт и покрај поразот останува лидер во лигата со 46 победи и 9 порази, додека Денвер има скор од 24 победи и 30 порази.

Резултати: Шарлот – Филаделфија 99:105, Индијана – Сан Антонио 106:110, Бруклин – Мемфис 103:112, Мајами – Орландо 107:116, Милвоки – Детроит 102:89, Вашингтон – Оклахома 120:98, Далас – Бостон 98:111, Денвер – Голден Стејт 132:110, Феникс – Њу Орлеанс 108:110, Јута – ЛА Клиперс 72:88, Портланд – Аталанта 104:109.


Спонозорирани линкови

Маркетинг