Блокиран автопатот Скопје-Велес во двата правци, над 200 луѓе заложници на снежното невреме!

Точка

05/01/2017

23:28

29.909

Големина на фонт

а а а

Повеќе од два часа над двесте автомобили, меѓу кои и товарни возила, се заглавени на автопатот кој води од Велес кон Скопје. Возачите се жалат дека е формирана долга колона од возила и дека не можат да ги поместат ниту еден метар, затоа што автопатот е затрупан со снег.

Обновено: 01:35 часот.

Телевизија „24 Вести“ објави снимки од место помеѓу Велес и Катланово, каде што може да се види дека сообраќајот се одвива многу отежнато. Имено, неколку возила, автобуси и камиони се излизгале кај месноста Кула. Сепак, според последните информации, патарината е отворена и нема повредени и жртви.



„Јас сум пред првата патарина од Велес накај Скопје, спуштена е рампата, нема ни напред ни назад. Луѓето вработени на патарина ни рекоа дека причина за застојот се два камиони и една цистерна кои се излизгале на снегот и дека најверојатно за жал ќе си постоиме тука уште долго време“, вели во изјава за Радио Слободна Европа возач кој е заглавен во колоната возила на автопатот Велес - Скопје.


Од друга страна, пак, од АМСМ во писменото известување на нивната интернет страница велат дека сообраќајот на патните правци Скопје – Велес и Велес - Скопје се одвива отежнато и по само една коловозна лента. На патниот правец Скопје - Велес е воведена забрана за товарни возила.



Последната информација од „Македонија пат“ е дека сообраќајот на државните патишта се одвива отежнато и дека нивните екипи се на терен и ги оддржуваат проодни сите патни правци. Од таму апелираат на внимателно возење.

Забрани за сообраќај има на планински превој Стража, Маврово, Пресека, Ѓавато, Буково и Крива Паланка – граничен премин Деве Баир.


Претходно беше во прекин сообраќајот на патните правци Кавадарци - Неготино и Охрид - Ресен, поради превртени тешки моторни возила, но сега, како што велат надлежните, сообраќајот на таа делница е нормализиран.

На патниот правец Струмица – Валандово, поради излизгано тешко моторно возило, сообраќајот се одвива наизменично по една коловозна лента, пренесува Радио Слободна Европа

Излетано возило на автопатот кај Гостивар, видео во продолжение:



Фото: Twitter


Спонзорирани линкови

Маркетинг